:: ਵੱਡੀ ਖ਼ਬਰ: ਸ਼ਾਹਰੁਖ ਖ਼ਾਨ ਦੇ ਪੁੱਤਰ ਆਰੀਅਨ ਨੂੰ ਨਹੀਂ ਮਿਲੀ ਜ਼ਮਾਨਤ, 20 ਅਕਤੂਬਰ ਨੂੰ ਆਵੇਗਾ ਫੈ਼ਸਲਾ   :: ਸਰਕਾਰ ਨੂੰ ਪਾਕਿਸਤਾਨ, ਚੀਨ ਵਿਰੁੱਧ ਸਖ਼ਤ ਕਾਰਵਾਈ ਕਰਨੀ ਚਾਹੀਦੀ ਹੈ : ਸ਼ਿਵ ਸੈਨਾ   :: ਕਸ਼ਮੀਰ ਕਦੇ ਵੀ ਪਾਕਿਸਤਾਨ ਦਾ ਹਿੱਸਾ ਨਹੀਂ ਹੋਵੇਗਾ: ਫਾਰੂਕ ਅਬਦੁੱਲਾ   :: ਸਾਬਕਾ ਪੀ.ਐੱਮ. ਮਨਮੋਹਨ ਸਿੰਘ ਦੀ ਵਿਗੜੀ ਸਿਹਤ, ਏਮਜ਼ ਚ ਦਾਖਲ   :: ਜੰਮੂ ਕਸ਼ਮੀਰ ਦੇ ਉੱਪ ਰਾਜਪਾਲ ਦੇ ਸਾਬਕਾ ਸਲਾਹਕਾਰ ਦੇ ਘਰ CBI ਨੇ ਮਾਰੇ ਛਾਪੇ   :: ਅਲਮਾਰੀ ’ਚ 142 ਕਰੋੜ ਰੁਪਏ ਦੇਖ ਇਨਕਮ ਟੈਕਸ ਅਫ਼ਸਰਾਂ ਦੇ ਉੱਡੇ ਹੋਸ਼   :: ਗੁਰਮੀਤ ਰਾਮ ਰਹੀਮ ਨੂੰ 18 ਅਕਤੂਬਰ ਨੂੰ ਸੁਣਾਈ ਜਾਵੇਗੀ ਸਜ਼ਾ, ਅਦਾਲਤ ਨੇ ਸੁਰੱਖਿਅਤ ਰੱਖਿਆ ਫ਼ੈਸਲਾ   :: ਦਿੱਲੀ ਹਾਈ ਕੋਰਟ ’ਚ 2 ਜੱਜਾਂ ਨੇ ਚੁਕੀ ਸਹੁੰ   :: ਲਖੀਮਪੁਰ ਹਿੰਸਾ ਮਾਮਲਾ: ਕੇਂਦਰੀ ਮੰਤਰੀ ਦੀ ਬਰਖ਼ਾਸਤਗੀ ਨੂੰ ਲੈ ਕੇ ‘ਮੌਨ ਧਰਨੇ ’ਤੇ ਬੈਠੀ ਪਿ੍ਰਯੰਕਾ   :: ਆਰੀਅਨ ਖਾਨ ਨੂੰ ਸਿਰਫ਼ ਉਨ੍ਹਾਂ ਦੇ ਸਰਨੇਮ ਕਾਰਨ ਬਣਾਇਆ ਜਾ ਰਿਹੈ ਨਿਸ਼ਾਨਾ : ਮਹਿਬੂਬਾ ਮੁਫ਼ਤੀ   :: ਕਸ਼ਮੀਰ ਚ ਘੱਟ ਗਿਣਤੀਆਂ ਦੇ ਕਤਲਾਂ ’ਤੇ ਅਮਿਤ ਸ਼ਾਹ ਨੇ ਅਪਣਾਇਆ ਸਖ਼ਤ ਰੁਖ, ਲਿਆ ਵੱਡਾ ਫ਼ੈਸਲਾ   :: ਦੇਸ਼ ਦੇ ਕਾਨੂੰਨ ਨੂੰ ਪੈਰਾਂ ਹੇਠਾਂ ਕੁਚਲਿਆ ਜਾ ਰਿਹੈ: ਅਖਿਲੇਸ਼   :: ਦੋਸ਼ੀਆਂ ਸੁਰੱਖਿਆ ਨਹੀਂ, ਸਜ਼ਾ ਦਿਵਾਉਣ ’ਤੇ ਕੰਮ ਕਰੇ ਸਰਕਾਰ: ਪਿ੍ਰਯੰਕਾ   :: ਰਾਹੁਲ ਦਾ ਤੰਜ : ਤਿਉਹਾਰ ਦਾ ਮੌਸਮ ਫਿੱਕਾ ਕਰਨ ਲਈ ਮੋਦੀ ਜੀ ਦਾ ਧੰਨਵਾਦ   :: ਲਖੀਮਪੁਰ ਘਟਾਨਾ ’ਚ ਮੰਤਰੀ ਦੇ ਬੇਟੇ ਦੀ ਗ੍ਰਿਫਤਾਰੀ ਨਾ ਹੋਣ ’ਤੇ SC ਨੇ ਯੋਗੀ ਸਰਕਾਰ ਨੂੰ ਪਾਈ ਝਾੜ

Weather

Patiala

Click for Patiala, India Forecast

Amritsar

Click for Amritsar, India Forecast

 New Delhi

Click for New Delhi, India Forecast

Advertisements

ਬਿਜਲੀ ਬੋਰਡ ਦੇ ਸਪਾਈਡਰਮੈਨ ਅਤੇ ਸੇਫ਼ਟੀ ਬੈਲਟ PRINT ਈ ਮੇਲ
screenshot_2021-08-07_at_11-23-39_mediadespunjab_punjabi_newspaper_-__.pngਵਾਕਿਆ ਬਟਾਲਾ ਸ਼ਹਿਰ ਦੇ ਉਮਰਪੁਰਾ ਦਾ ਹੈ। ਮੈਂ ਸੜਕ ’ਤੇ ਤੁਰਿਆ ਜਾ ਰਿਹਾ ਸੀ ਕਿ ਸਾਹਮਣੇ ਬਿਜਲੀ ਦੇ ਖੰਬੇ ’ਤੇ ਚੜਿਆ ਇੱਕ ਮੁਲਾਜ਼ਮ ਜ਼ੋਰ ਦੇ ਝਟਕੇ ਨਾਲ ਧੜੰਮ ਕਰਕੇ ਥੱਲੇ ਆ ਡਿੱਗਾ। ਮੇਰੇ ਸਮੇਤ ਕਿਨੇ ਹੋਰ ਰਾਹਗੀਰ ਭੱਜ ਕੇ ਉਸਦੀ ਮਦਦ ਲਈ ਪਹੁੰਚੇ। ਰੱਬ ਦਾ ਸ਼ੁਕਰ ਸੀ ਕਿ ਜਿਥੇ ਉਹ ਬਿਜਲੀ ਮੁਲਾਜ਼ਮ ਡਿੱਗਾ ਸੀ ਓਥੇ ਕੂੜੇ ਦਾ ਢੇਰ ਸੀ ਅਤੇ ਥਾਂ ਪੱਕਾ ਨਾ ਹੋਣ ਕਾਰਨ ਉਹ ਸੱਟੋਂ ਬਚ ਗਿਆ।
ਬਿਜਲੀ ਮੁਲਾਜ਼ਮ ਦੀਆਂ ਤਲੀਆਂ ਝੱਸਦਿਆਂ ਜਦੋਂ ਮੈਂ ਉਸਦਾ ਹਾਲ ਪੁੱਛਿਆ ਤਾਂ ਕਹਿੰਦਾ ‘ਭਾਅ ਜੀ ਮੈਂ ਠੀਕ ਹਾਂ... ਇਹ ਕੋਈ ਨਵੀਂ ਗੱਲ ਨਹੀਂ.... ਸਾਡੇ ਨਾਲ ਤਾਂ ਰੋਜ਼ ਹੀ ਇਵੇਂ ਵਾਪਰਦਾ... ਪਰ ਵਾਹਿਗੁਰੂ ਦਾ ਸ਼ੁਕਰ ਹੈ ਕਿ ਉਹ ਹੱਥ ਦੇ ਕੇ ਰੱਖ ਲੈਂਦਾ’। ਪਰ ਅੱਜ ਦਾ ਬਿਜਲੀ ਝਟਕਾ ਕੁਝ ਜਿਆਦਾ ਸੀ... ਪਰ ਚਲੋਂ ਫਿਰ ਵੀ ਬਚਾਅ ਹੋ ਗਿਆ। ਉਹ ਬਿਜਲੀ ਮੁਲਾਜ਼ਮ ਆਪਣੇ ਕੱਪੜੇ ਝਾੜਦਾ ਹੋਇਆ ਉੱਠਿਆ ਤੇ ਫਿਰ ਬਿਜਲੀ ਦੇ ਪੋਲ ’ਤੇ ਚੜਨ ਲੱਗਾ ਤਾਂ ਮੈਂ ਪੁੱਛਿਆ ਭਾਈ ਸਾਹਬ ਹੱਥਾਂ ਨੂੰ ਸੇਫਟੀ ਦਸਤਾਨੇ ਅਤੇ ਸੇਫਟੀ ਬੈਲਟ ਲਗਾ ਕੇ ਚੜੋ। ਤਾਂ ਅੱਗੋਂ ਉਹ ਬਿਜਲੀ ਮੁਲਾਜ਼ਮ ਕਹਿੰਦਾ ਭਾਅ ਜੀ ਉਹ ਤਾਂ ਹੈ ਨਹੀਂ ਪਰ ਫਾਲਟ ਤਾਂ ਠੀਕ ਕਰਨਾ ਹੈ.... ਨਾਲੇ ਇਸਤੋਂ ਬਾਅਦ ਹੋਰ ਥਾਂ ਵੀ ਤਾਂ ਬਿਜਲੀ ਠੀਕ ਕਰਨ ਜਾਣਾ ਹੈ... ਓਥੋਂ ਵੀ ਲੇਟ ਹੋ ਰਹੇ ਹਾਂ...ਉਪਰੋਂ ਵੱਡੇ ਸਾਹਬ ਫੋਨ ’ਤੇ ਝਿੜਕਾਂ ਮਾਰ ਰਹੇ ਹਨ।
ਇਸਤੋਂ ਪਹਿਲਾਂ ਕਿ ਉਹ ਬਿਜਲੀ ਮੁਲਾਜ਼ਮ ਖੰਬੇ ’ਤੇ ਚੜਦਾ ਮੈਂ ਉਸਨੂੰ ਇੱਕ ਹੋਰ ਸਵਾਲ ਦਾਗ ਦਿੱਤਾ। ਮੈਂ ਕਿਹਾ ‘ਕੀ ਸਰਕਾਰ ਤੁਹਾਨੂੰ ਸੇਫਟੀ ਦਸਤਾਨੇ ਅਤੇ ਸੇਫਟੀ ਬੈਲਟਾਂ ਨਹੀਂ ਦਿੰਦੀ। ਲੰਮਾ ਜਿਹਾ ਹੌਕਾ ਲੈ ਕੇ ਉਹ ਮੁਲਾਜ਼ਮ ਕਹਿਣ ਲੱਗਾ ‘ਭਾਅ ਜੀ ਸਰਕਾਰ ਤਾਂ ਸਭ ਕੁਝ ਦਿੰਦੀ ਪਰ ਸਾਡੇ ਤੱਕ ਨਹੀਂ ਪਹੁੰਚਦਾ’। ਸਰਕਾਰ ਤੋਂ ਇਲਾਵਾ ਸਾਡੇ ਐੱਸ.ਡੀ.ਓ. ਤੇ ਐਕਸੀਅਨ ਵੀ ਇਹ ਸਾਰਾ ਸੇਫਟੀ ਸਮਾਨ ਅਕਸਰ ਹੀ ਖਰੀਦ ਦੇ ਰਹਿੰਦੇ ਹਨ ਪਰ ਸਾਨੂੰ ਕਦੀ ਨਹੀਂ ਦਿੰਦੇ। ਜਦੋਂ ਅਸੀਂ ਐੱਸ.ਡੀ.ਓ. ਕੋਲੋਂ ਸੇਫ਼ਟੀ ਸਮਾਨ ਦੀ ਮੰਗ ਕਰੀਦੇ ਹਾਂ ਤਾਂ ਉਹ ਅੱਗੋਂ ਕਹਿ ਦਿੰਦੇ ਹਨ ਕਿ ਤੁਸੀਂ ਤਾਂ ‘ਸਪਾਈਡਰਮੈਨ’ ਹੋ ਤੁਹਾਨੂੰ ਸੇਫਟੀ ਬੈਲਟਾਂ ਤੇ ਦਸਤਾਨਿਆਂ ਦੀ ਕੀ ਲੋੜ...।
ਮੈਂ ਪੁੱਛਿਆ ਕਿ ਫਿਰ ਤੁਹਾਡੇ ਅਧਿਕਾਰੀ ਉਨ੍ਹਾਂ ਸੇਫਟੀ ਬੈਲਟਾਂ ਅਤੇ ਦਸਤਾਨਿਆਂ ਦਾ ਕਰਦੇ ਕੀ ਹਨ...। ਤਾਂ ਉਹ ਬਿਜਲੀ ਮੁਲਾਜ਼ਮ ਕਹਿਣ ਲੱਗਾ ਭਾਅ ਜੀ ਉਹ ਸੇਫਟੀ ਬੈਲਟਾਂ ਅਧਿਕਾਰੀ ਆਪਣੀ ਕੁਰਸੀ ’ਤੇ ਬੈਠਣ ਸਮੇਂ ਲਗਾਉਂਦੇ ਹਨ... ਕਿ ਮਤੇ ਕੁਰਸੀ ਤੋਂ ਡਿੱਗ ਉਨ੍ਹਾਂ ਨੂੰ ਕੋਈ ਸੱਟ ਫੇਟ ਨਾ ਲੱਗ ਜਾਵੇ ਅਤੇ ਸੇਫਟੀ ਦਸਤਾਨੇ ਤਾਂ ਉਹ ਪਤਾ ਨਹੀਂ ਕਿਸ ਕਰੰਟ ਤੋਂ ਡਰਦੇ ਪਾਉਂਦੇ ਹਨ, ਉਸਦਾ ਸਾਨੂੰ ਵੀ ਨਹੀਂ ਪਤਾ। ਏਨੀ ਗੱਲ ਕਹਿ ਕੇ ਉਹ ਬਿਜਲੀ ਮੁਲਾਜ਼ਮ ਨੰਗੇ ਹੱਥੀਂ ਬਿਨਾਂ ਸੇਫ਼ਟੀ ਬੈਲਟ ਤੋਂ ਮੌਤ ਨਾਲ ਮੱਥਾ ਲਗਾਉਣ ਲਈ ਫਿਰ ਉਸੇ ਬਿਜਲੀ ਦੇ ਖੰਬੇ ’ਤੇ ਜਾ ਚੜਿਆ।
ਉਹ ਬਿਜਲੀ ਮੁਲਾਜ਼ਮ ਆਪਣੇ ਜੁਆਬਾਂ ਦਿੰਦਿਆਂ ਰਮਜ਼-ਰਮਜ਼ ਵਿੱਚ ਬਹੁਤ ਡੂੰਘੀ ਗੱਲ ਕਰ ਗਿਆ ਸੀ। ਮੈਂ ਹੁਣ ਕਦੀ ਖੰਬੇ ’ਤੇ ਚੜ੍ਹੇ ਮੌਤ ਨਾਲ ਜੂਝ ਰਹੇ ਉਸ ਮੁਲਾਜ਼ਮ ਵੱਲ ਦੇਖ ਰਿਹਾ ਸੀ ਅਤੇ ਕਦੀ ਮੇਰੇ ਮਨ ਵਿੱਚ ਵੱਡੇ ਅਧਿਕਾਰੀ ਦੀ ਸੇਫ਼ਟੀ ਬੈਲਟ ਲਗਾ, ਦਸਤਾਨੇ ਪਾ ਕੇ ਕੁਰਸੀ ’ਤੇ ਬੈਠੇ ਦੀ ਤਸਵੀਰ ਅੱਖਾਂ ਅੱਗੇ ਘੁੰਮ ਰਹੀ ਸੀ।
- ਇੰਦਰਜੀਤ ਸਿੰਘ ਹਰਪੁਰਾ।
ਬਟਾਲਾ।
 
< Prev   Next >

Advertisements

Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement